ಟಿಪ್ಪಣಿ: 3ನೇ ಕ್ರಮ ಸಂಖ್ಯೆಯ ಎದುರಿಗೆ ಮಾಹಿತಿಯನ್ನು ನಾನ್ ಗೆಜೆಟೆಡ್ ಸರಕಾರಿ ನೌಕರರ ಸಂಬಂಧದಲ್ಲಿ ಕಛೇರಿಯ ಮುಖ್ಯ ಅಧಿಕಾರಿಯು ಮತ್ತು ಗೆಜೆಟೆಡ್ ಅಧಿಕಾರಿಗಳ ಸಂಬಂಧದಲ್ಲಿ ಖಜಾನೆ ಅಧಿಕಾರಿಯು ಸ್ವತಃ ಒದಗಿಸಬೇಕು. ಸರಕಾರಿ ನೌಕರನನ್ನು ಒಂದು ಲೆಕ್ಕ ಪರಿಶೋಧನಾ ವೃತ್ತದಿಂದ ಇನ್ನೊಂದಕ್ಕೆ ವರ್ಗಾಹಿಸಲ್ಪಟ್ಟಾಗ, ವರ್ಗಾವಣೆಯಾದ ಬಳಿಕ ತನ್ನ ಭವಿಷ್ಯನಿಧಿ ಲೆಕ್ಕವನ್ನು ಇಟ್ಟುಕೊಂಡು ಬರುವ ಲೇಖಾಧಿಕಾರಿಯ ಹೆಸರನ್ನು ಗೆಜೆಟೆಡ್ ಅಧಿಕಾರಿಯ ಸಂದರ್ಭದಲ್ಲಿ ಕೊನೆಯ ವೇತನ ಪ್ರಮಾಣ ಪತ್ರಕ್ಕೆ ಮೇಲು ರುಜು ಮಾಡುವಾಗ ಮಹಾಲೇಖಪಾಲರು ಮತ್ತು ಸಾಧ್ಯವಾದರೆ ನಾನ್ ಗೆಜೆಟೆಡ್ ನೌಕರನ ಸಂಬಂಧದಲ್ಲಿ ಕಚೇರಿಯ ಮುಖ್ಯಾಧಿಕಾರಿಯು ದಾಖಲು ಮಾಡಬೇಕು.